Jesus ly - Voor sy kruisiging

Jesus Ly Profeties Gesien – Hoe raak dit my?    |    Jesaja 53
Om net na Jesus aan die kruis te kyk van buite af, maak op die oog af geen verskil met ander wat ook gekruisig is nie.  Daarom is ‘n fliek soos “The Passion of the Christ” nie genoeg nie.  Mens moet die Man verstaan.  Sy afkoms, Sy voorgeslag, Sy agtergrond.  Sy lewe en bediening; meer nog – Sy hart, innerlike mens, emosies, gedagtes, bedoelinge ens.  Boonop is daar nog mense rondom die kruis sowel as die magte uit die geesteswêreld wat ook betrokke is.  Jesaja 53 gee ons ‘n insig wat u nie in die Evangelies sal vind nie.